sru:version: 1.2; sru:query: fcs.rf="mecmua.4_50"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.4_50"; sru:baseUrl: ; fcs:returnedRecords: 1; fcs:duration: PT0.026S PT0.028S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.4_50</phrase></query>)];

nevrūz‑i ʿAcem

ilāhī

Bir pādişāha qul ol‑kim
Mülki zāʾil olmaz ola
Bir gülşene bülbül ol‑kim
Hīc gülleri ṣolmaz ola

Gendüñ ʿummāna ṣala gör
Ġavvāṣ oluban ṭala gör
Bir dürlü çevher [!] bula gör
Kimse anı bulmaz ola

Gerçek ʿāşıq ola sālik
Görinür kullu šayʾin hālikun
Bir mülke ola gör mālik
Kimse elden almaz ola

Qoyalum lāfı güẕāfı
Gel eyleyelüm inṣāfı
Göñül olur ol vaqt ṣāfī
Aña giden gelmez ola

Sırruñı keşf ėtme yāda
Vėrme ḥāṣıluñı ābāda
Bir dost edin‑ki dünyāda
Hīc yanuñdan gitmez ola

Gerçek seveñ cānānını
Vėrür tenini cānını
Derd oldur‑ki dermānını
Ḥaqqdan ġayri bilmez ola

Bülbül olup ötmek gerek
Güller gibi bitmek gerek
Ṭoġru yola gitmek gerek
Kimse aña ėrmez ola

Zāhidlere uçmaq gerek
ʿĀrif ḥaqqa göçmek gerek
Bir çeşmeden içmek gerek
Andan içen ölmez ola

Bir qapuya mülāzim ol
Düni gün Hüdāyī qāyim ol
Bir özge ʿilme ʿālim ol
Melek anı bilmez ola

hüve [?]